Dhjetë këshilla për të ndihmuar funksionimin normal të sistemit të tretjes

Tretja është një proces shumë kompleks që ndodh nën ndikimin e shumë enzimave dhe hormoneve. Ka një miliard baktere të mira në zorrët tona që janë gjithashtu përgjegjëse për ekuilibrin në sistemin e tretjes, dhe falë tyre dhe për një diete të ekuilibruar, mundësohet që të sigurohet një furnizim optimal ndaj lëndëve ushqyese.

1. Rekomandohet të pini mjaft ujë, sepse uji është më se i nevojshëm për të gjitha proceset e tretjes. Çdo ditë  duhet të pini 0.3 dcl ujë për kilogram të peshës trupore.
2. Shmangni pirjen e lëngjeve të gazuara në mënyrë që të mos rëndoni punën e stomakut.
3. Rekomandohet një dietë e larmishme me fruta. Perimet, bishtajoret dhe drithërat e pasura me fibra bimore janë të nevojshme për funksionimin normal të zorrëve.
4. Konsumoni çdo ditë produkte të qumështit të fermentuar.
5. Fibrat bimore nga frutat, perimet, bishtajoret dhe drithërat nuk janë të nevojshme vetëm për sistemin tonë të tretjes, por edhe si ushqim për "bakteriet e mira".
6. Përtypni mirë ushqimin, sepse në këtë mënyrë do të mundësoni që enzimat e tretjes të shfrytëzojnë sa më mirë përbërësit ushqimorë.
7. Gjithmonë hani në të njëjtën orë pasi kjo do ta mbajë sistemin tuaj të tretjes në formën më të mirë.
8. Distancohuni prej zakoneve të këqija të tilla si pirja e duhanit, konsumimi i tepërt i kafesë dhe pijeve alkoolike pasi do të pengoni tretjen.
9. Ushtrimet e bëra rregullisht do të ndihmojnë në ruajtjen e peshës trupore dhe të një sistemi të shëndetshëm tretës.
10. Gjeni aktivitete që do t'ju ndihmojnë në zvogëlimin e stresit dhe i kryeni ato rregullisht.